موضوع: كبسة ضب مع ولد خليص ودحمي الأحد مايو 02, 2010 1:13 pm
السلام عليكم ورحمة الله وبركاته
نظرا لان الاعضاء الافاضل مايعرفون الضب اليكم الاكلة العجيبة
الشيف دحمي الخرج: طبختنا اليوم عجيبة غريبة غير مستساغة لبعض اعضاء كلاش لكن لابد منها
كبسة ضبان احسن من صدقوني
ولد خليص :وقف وقف قبل ماتبدا بذبح الضبان وتقرفنا وش حكم اكل الضبان اول علشان نشوف وش اخرتها معك
الشيف دحمي الخرج: اسمع ياخوي ولد خليص اكل الضبان حلال وانا اخوك وفي لحم الضب فوائد صحية كثيرة طيب اقولك الدليل ان لحم الضب حلال
ولد خليص : ما شاء الله عليك يا الشيف دحمي الخرج شيف ومفتي بعد الله يستر بكرة لا تحلل الجراد
الشيف دحمي الخرج: الجراد اوه يا ولد خليص يازين الجراد
ولد خليص : الجراد يعني تاكل حشرات
الشيف دحمي الخرج : اسمع ياخوي ولد خليص انت تبي تبعدنا عن طبختنا الي مجهزينها اقولك خلنا اليوم في كبسة
ضبان واوعدك المرة الجاية كبسة جراد
ولد خليص : لا والله الا جت البلدية وسكرت مطبخنا
الشيف دحمي الخرج : ماعليك اصلا زبائنا كلهم من موظفي البلدية
ولد خليص : وين دليلك ان اكل الضبان حلال والا صرت تلف وتدور علشان تغير السالفة
الشيف دحمي الخرج: افااا الدليل عن ابن عباس رضي الله عنهما قال : " أكل الضب على مائدة رسول الله صلى الله عليه وسلم " .متفق عليه وحديث ام سلمه : "أن الرسول صلى الله عليه وسلم قدم له ضب فقالت ام سلمه: أخبروا رسول الله صلى الله عليه وسلم بما قدم له، فأخبروه فرفع يده صلى الله عليه وسلم، قالوا: أحرام هو يا رسول الله؟ قال: لا. ولكن أجد نفسي تعافه "
الشيف دحمي الخرج : وش رايك بعد كذا اخوي ولد خليص نحد السكين ونشوف شغلنا والا نقفل المطبخ
ولد خليص : شف شغلك ونشوف اخرتها الله يستر منك
الشيف دحمي الخرج : باسم الله
الشيف دحمي الخرج : بعد كذا نقوم اطال الله في عمرك بتنظيفة مثل كذا[/center]
الشيف دحمي الخرج: ثم نقوم اطال الله في عمرك بتقطيعة هكذا
الشيف دحمي الخرج : وش فيك سكت اخوي ولد خليص ماعاد تسال شكل الشغل اعجبك صح
ولد خليص : وش القرف هذا
الشيف دحمي الخرج: اسمع اخوي ولد خليص لا تحكم على طبختنا الين تجربها
ولد خليص : نعم نعم اجربها وانت مصدق اني باكل منها ما بقى الا اكل ضبان الحمدلله بس الله يخلي لنا الدجاج
الشيف دحمي الخرج : الدجاج اقول والله من كثر ما ناكل من الدجاج يخاف الواحد انه يطير وصرنا نخاف من الديكة
ولد خليص : كمل كمل لله في خلقة شوؤن
الشيف دحمي الخرج : نجمع اللحم بعد تنظيفة
الشيف دحمي الخرج : بعدين طال عمرك نضع البصل في قدر الضغط
الشيف دحمي الخرج: ثم نقوم بتحريكة جيدا هكذا
الشيف دحمي الخرج :ثم نضع البهارات ومعجون الطماطم
[center] الشيق دحمي الخرج:ثم نسكب الماء
الشيف دحمي الخرج : ثم نضع قطع اللحم ما اجمل قطع لحم الضبان احسن بكثير من قطع بروست البيك ونضيف الليمون الاسود والقرفة والهيل
الشيف دحمي الخرج : ثم نضيف لها الملح
الشيف دحمي الخرج: ثم بعد ذلك نخرج قطع اللحم لكي نسكب الارز
الشيف دحمي الخرج : اعلم يقينا ان الجوع قد اصابك اخي ولد خليص اذا تبي قطعة لا تستحي بس على فكرة اذا تبي اللحم حراق اسوية لك المرة الجاية
الشيف دحمي الخرج: الان نسكب الارز
الشيف دحمي الخرج: رح اخوي ولد خليص من اليوم وانت واقف استرح واذا خلص نجيبة لك
ولد خليص : تدري ليه انا واقف لي ساعة واتفرج فيك
الشيف دحمي الخرج : ليش
ولد خليص : اتفكر في مخلوقات الله
الشيف دحمي الخرج : وش تقصد انا والا الضب
ولد خليص : كلكم
الشيف دحمي الخرج : افا وش ذا الكلام
ولد خليص : كمل كمل نشوف اخرتها
الشيف دحمي الخرج: نكمل نقفل على قدر الكاتم تقريبا ساعة الا ربع وبعدين يكون كل شي جاهز [/center]
الشيف دحمي الخرج : وبعدين نضع اللحم فوق الارز
الشيف دحمي الخرج: وتفضل اخي ولد خليص وترى الي على جنب الصحن بيض ضبان
ولد خليص : انت من جدك اخر عمري اكل ضب وبعد الضبان لها بيض والله تنكت
الشيف دحمي الخرج : جرب ويقولون التجربة خير برهان وصدقني انه بيض ضبان
ولد خليص : الله يرحم والديك فكنا
الشيف دحمي الخرج: شف اخوي ولد خليص اذا الاكل ما اعجبك صدقني اعزمك في البيك على حسابي
ولد خليص : يفكر والله خطة خلني اذوق شي بسيط واقول ما عجبني عشان يعزمني في البيك على حسابة والله فكرة وفرصة جت عندك
الشيف دحمي الخرج : وش قلت
ولد خليص : بسم الله
الشيف دحمي الخرج : وبدا ولد خليص يقول ابجرب وشوفوا وش سوى بالصحن
الشيف دحمي الخرج: وش رايك
ولد خليص : والله شي يادحمي ومن وين تجيبون الضبان ابغى كيلو لحم ضب
الشيف دحمي الخرج :{ههههههههههااااي}كيلو الله يستر عليك جهز السيارة والبندق ومر على ربيب المعالي ومروني وابشر بالخير
ولد خليص : خلاص بكرة نمرك
الشيف دحمي الخرج : وبلشنا مع ولد خليص ليتنا ما خليناة ياكل لكن الله يعين
احسن من 
صدقوني
